Жывы Сыс
Хто на тым Купальлі ў 1988 (ці 1989?) здымаў — невядома. Але нехта з прафесійных фатографаў. У складаных ўмовах асьвятленьня даволі ўдала ўскладаўся ў капрызны, і як на сёньняшнія стандарты, нізкаадчувальны гэдээраўскі слайд. Можа Грыц, а можа сьветлай памяці Брушко. Хто там яшчэ тую Талаку здымаў? Ніякіх пазнакаў на кардоннай рамцы не знайшоў. Апытаньні сьведкаў таксама нічога не далі. Але здымак падаўся знаёмым. Можа ў якой “Крыніцы” ці “Бярозцы” бачыў?
Гэты кавалак цэлюлоіда захоўваўся ў архіве Вітушкі. Колеры не страцілі свайго звону. Для слайда гэта хутчэй правіла чым выключэньне. Пад катам — мошчны Сыс. Амаль у самым росквіце сіл. Падазраю, што некаторы драматызм ў картачку ўносіць тое, што паэт цыгарэту трымае ў левай руцэ.
А мне цікава, як вырас дзіцёнак з фота
мне, дарэчы, таксама.
O, heta z Zasłaŭja fotka? Dyk ja tam taksama byŭ! Vituška tak staraŭsia ŭsich aktyvizavać, što navat i Zianon Ibrahimyč praz vohnišča skakaŭ. Pamiataju jašče vialikuju bočku kvasu… Chto zdymaŭ — nia viedaju. My z siabrami (zdajecca) rabili svaje fotki, ale na ich pieravažna my i byli.
Chacia, heta moh być i 1990.
Так. Здаецца, Заслаўе. Можа і 1990-ы. Файл з апісаньнямі зьехаў у Менск, і цяпер вялікая праблема яго адкалупаць назад.