зьдзьмуў пыл са сканэру
Пад яго лямпу трапляюць стужкі, што скапілііся за паўгода. Вось тут зіма на Зарэчнай. Кампазытар Кястуціс Антанеліс размаўляе з мамай, а яго лібрэтыст Томас Чапайціс замінае яму прыдумваць адмазкі.
Атанеліс, праўда усім кажа, што ён цяпер архітэктар, і нават у маім нататніку пакінуў эскіз нейкага мэмарыялу на Лукішскай плошчы са слупамі Гедыміна. Эскізік варты жалю. Нават у сканер суваць ня варта.
На здымку Томас ужо ў добрым настроі, бо на працягу якой гадзіны падкалывае Антанеліса, намякае на ягоную бяздарнасьць і схільнасьць да плягіяту. Напэўна мае падставы.
Гадоў дзесяць таму Томас напісаў лібрэта да антанелесаўскай рок-опэры “Пьер Гюнт” і спадзяваўся жыць з тых адсоткаў, што агенства па аўтарскіх правах пералічвае стваральнікам за кожны паказ спектакля. Але рок-опера пасьля прэмьеранага паказу сыйшла са сцэны.
No comments yet.