Пра дзень птушак
Няма нічога дзіўнага ў тым, што ў канстытуцыі Зарачанскай Рэспублікі птушкі займаюць асноўнае і важнае месца. Нават важней за катоў. На першае красавіка прыходзіцца ня толькі дзень незалежнай рэспублікі, але і міжнародны дзень птушак.
Сёньня адчынілі дошку з тэкстам канстытуцыі на бел.мове. Па прычынах хранічных для міністэрства замежных спраў Зарэчча, на самім адкрыцьці не прысутнічаў.
Усё было б вельмі нават нічога, каб тыя сьвяткаваньні з кожным годам не станавіліся ўсё больш пафаснымі. У пэўны момант мне стала няёмка за Пілінкуса і Лілейкіса, такую пошласьць яны несьлі.
Да таго ж, у апараце абарвалася стужка. Дробязь, канешне, але непрыемна.
Так што са сьвятам.
Заўтра і пасьлязаўтра дзьве прэзэнтацыі ў Вільні. У чацьвер у беларускай школе па вул. Сеціна 21, а ў пятніцу ў 18.30, у Беларускім Доме Правоў Чалавека, на Латака 3 (арыентыр - Пятніцкая Царква).
Даведка пад нумарам +370 63599979 (Валянцін)
гэта.. калі ўжо спаміце - то рабіце гэта з мазгамі. Указвайце канкрэтныя даты. А то, што ерунда — заўтра, пятніца??? Гэта не арыентыры ў прасторы і часе.