дзень Непрылежнасьці Зарачанскай Рэспублікі
Заўтра дзевятыя ўгодкі абвяшчэньня Незалежнасьці Зарачанскай Рэспублікі. Вялікіх сьвяткаваньняў ня будзе.
Увечары на плошчы пакажуць новую фільму Ромаса Лілейкіса, ну і канцэрт ў кавярні Ёнаса. На кіно, відаць, схажу.
Кажуць, што прэм’ер Рэспублікі Ромас Лілейкіс не ў гуморы, і пагражае, што больш ня будзе рабіць ніякіх фэстаў. Напэўна, не знайшоў грошай і энтузіястаў. У мінулыя гады сьвята неяк хітра трапляла пад выбары і сродкі знаходзіліся лягчэй. То агітавалі за ўступленьне ў ЭЗ, то Адамкусу выдавалі ганаровае грамадзянства. Нічога супраць ня маю, але асадак застаўся.
Карацей шкада. Для маіх сяброў-знаёмых дзень Незалежнасьці Зарачанскай Рэспублікі была добрая нагода сустрэцца без папярэдніх званкоў.
Чым далей жыву, тым складаней становіцца прыдумляць прычыны для сустрэчаў зь людзьмі якіх калісьці любіў.
No comments yet.